Verðsamráð á jólatrjám
Lögreglan hér í Danmörku rannsakar nú meint verðsamráð danskra jólatrjáaframleiðenda. Ef þetta reynist rétt þá er hér um háalvarlegt mál að ræða. Hvernig er Danmörk eiginlega að verða? Samtök jólatrjáaframleiðenda segjast ekki hafa viðhaft verðsamráð heldur aðeins haldið "námskeið" í hvernig ætti að verðleggja tréin. Ég get bara ekki hugsað til þess að kannski hafi ég borgað 20 kr. of mikið fyrir jólatréið í fyrra en ég hefði annars gert ef um eðlilega samkeppni hefði verið að ræða. Ætli væri ekki best að sniðganga jólatréið í ár og senda þau öll til Íslands þar sem verðsamráð er eitthvað sem aldrei hefur verið þekkt. Þar með er líka jólatrjáaskortur Íslendinga úr sögunni. Ég bara finn mig ekki í svona löguðu með verðsamráð. Sem betur fer er ég að fara að eyða jólunum á Íslandi þar sem full samkeppni hefur alltaf verið við lýði.

Góðar stundir.
| |