Það var eins og maður vissi, rosalega gaman á Þjóðhátíð. Við fórum á flugi á föstudaginn. Reyndar var ófært þegar að við áttum að fljúga en síðan biðum við í smá tíma og þá kom Ása með "to thumbs up" og sýndi okkur að það væri orðið fært til Eyja. Við fórum beint niðrí dal og kíktum á fólkið þegar að við komum. Þar var hlaðið borð af kræsingum í tjaldinu hjá Tönju og co. eins og var reyndar alla helgina hjá þeim. Síðan fengum við að tjalda í garðinum hjá Óla og Þóru. Mér finnst það alger lúxus að fá að vera inní bæ. Við vorum í stöðugum veislum alla helgina og fór mjög vel um okkur. Nýr lundi, reyktur lundi, kjötsúpuveisla, túnski og heitt kakó :) Brennan var flott, flugeldasýningin flottari og brekkusöngurinn frábær. Í alla staði frábær Þjóðhátíð.

Núna á morgun er Casper vinur minn frá Danmörku að koma. Ég ætla að reyna að taka túrista pakkann á þetta. Gullfoss og Geysir, Þingvellir, Bláa Lónið, Húsafell, Borgarfjörðinn, Reykjavíkina og eitthvað skemmtilegt. Þetta verður stuð. Fínt að hita dönskuna aðeins upp áður en að maður fer aftur út.

| |