Úti á þekju...

Það er verið að setja nýtt þak í Brautarholti. Ég fór eftir vinnu á föstudaginn og reyndi að hjálpa pabba aðeins með þetta. Síðan vorum við aftur á laugardaginn að skella járninu á þakið, það gengur ágætlega og kemur þetta vel út. Er ekki frá því að maður hafi aðeins fengið lit í andlitið um helgina. Sólin speglaðist líka mikið af járninu, sem þrefaldaði kraft sólarninnar, eða eitthvað í þá áttina. Á sunnudaginn var ég síðan mættur rétt rúmlega átta á golfvöllinn til að starta Opna Coca Cola mótinu. Ég og Stefán Einar stjórnuðum þessu með harðri hendi allan daginn og gekk þetta bara nokkuð vel hjá okkur. Þeir félagar Jón Georg og Ásgeir Sigurvins unnu mótið með glæsibrag. Fín helgi að baki og núna eru það bara loka æfingar fyrir meistaramótið sem byrjar á miðvikudaginn.
| |